У Віцебску пры пажары ў шматпавярхоўцы загінула 7-гадовая дзяўчынка

мчсУ Віцебску каля сямі раніцы 13 верасня сямігадовая дзяўчынка загінула пры пажары ў шматпавярхоўцы. Пра гэта паведамілі ў МНС Беларусі. Пажар адбыўся ў кватэры на пятым паверсе дома па праспекце Будаўнікоў. Ўнутры былі 26-гадовыя бацькі з двума дзецьмі і  мужчына, што быў у iх у гасцях.

Сямігадовая дзяўчынка спала ў дзіцячай – наверсе двух’яруснага ложка, асобна ад бацькоў і чатырохгадовага брата, які спаў у пакоі з імі.
Муж і жонка прачнуліся ад крыкаў дачкі, усе пакоі былі моцна задымленыя. Забраўшы сына, яны пакінулі кватэру. Вярнуцца за дачкой у кватэру бацькі ўжо не змаглі – з-за адкрытага агню, шчыльнага задымлення і высокай тэмпературы.

Знаёмы гаспадароў выйшаў самастойна.

Прычына пажару высвятляецца, як мяркуецца, агонь паўстаў у дзіцячым пакоі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі