Епіскап Антоній узяў удзел у святах на Салігоршчыне

антонийЕпіскап Слуцкі і Салігорскі Антоній 14 верасня, у дзень памяці прапачэснага Сімяёна Стоўпніка, узначаліў Боскую літургію ў аднайменным храме ў вёсцы Барок пад Салігорскам.

Па заканчэнні літургіі ўладыка Антоній, супрацоўнікі Слуцкага епархіяльнага ўпраўлення, а таксама настаяцель храма, кіраўнік епархіяльнага аддзела рэлігійнай адукацыі і катэхізацыі пратаіерэй Георгій Пятроўскі, узначалілі хросны ход вакол храма, паведамляе sluck-eparchiya.by.

Напярэдадні ўладыка Антоній ўзяў удзел у моладзевым свяце з нагоды дня памяці святых Пятра і Фяўронні Мурамскіх ў Салігорску. Арганізатарамі свята выступілі сябры моладзевага брацтва пры прыходзе кафедральнага сабора Нараджэння Найсвяцейшай Багародзіцы.

Святкаванні пачаліся Боскай літургіяй, якую ўзначаліў благачынны Салігорскай акругі пратаіерэй Мікалай Розаў. Па заканчэнні набажэнства святым на тэрыторыі храма пачаліся святочныя мерапрыемствы. Разам з прыхаджанамі і гасцямі свята епіскап Антоній, пратаіерэй Мікалай Розаў і кіраўнік брацтва Віктар Бровушкін паглядзелі спектаклі лялечнага тэатра «Батлейка», частаваліся гарбатай і хатняй выпечкай. Таксама адбыліся конкурсы па гульні ў дартс, маляванні крэйдай, спеву і дэкламацыі. Валанцёры брацтва рабілі дзецям фрызуры, вучылі вырабляць фігуркі з паветраных балонікаў, а таксама ўручалі гасцям паштоўкі ручной працы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
16.09.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты