Мітрапаліт Кандрусевіч прапанаваў біскупам Еўропы праз два гады сустрэцца ў Мінску

МагдалаУ Іерусаліме 16 верасня завяршылася праца Пленарнай Асамблеі Рады Бiскупскiх Канферэнцый Еўропы, якая праходзіла на Святой Зямлі з 11 верасня з удзелам мітрапаліта Мінска-Магілёўскі арцыбіскупа Тадэвуша Кандрусевіча.

Напярэдадні ў каплiцы каталiцкага цэнтра Нотр-Дам у Іерусаліме адбылася лекцыя Лацiнскага Патрыярха Іерусаліма Фуада Туаля «Дасведчаннi хрысцiянаў на Блiзкiм Усходзе». Асаблiвую ўвагу Патрыярх звярнуў на праблему 47 хрысціянскіх школаў, якія таксама наведваюць дзеці з габрэяйскіх і мусульманскіх сем’яў, і якія падвяргаюцца ўціску з боку ўладаў Ізраіля, паведамляе catholic.by.

Таксама бiскупы Еўропы падзялiлiся досведам правядзення такіх форумаў i прынялі рашэнне аб правядзенні наступнай Пленарнай Асамблеі Рады Бiскупскiх Канферэнцый Еўропы ў Манака ў кастрычнiку наступнага года. Мітрапаліт Тадэвуш Кандрусевіч запрасiў бiскупаў Еўропы правесці сустрэчу 2017 года ў Мінску.  «На карысць Мiнска прамаўляюць добрыя экуменiчныя адносiны ў нашай краiне i яе адкрытасць на экуменiчны i мiжрэлiгiйны дыялог, дыялог памiж дзяржавай i веравызнаннямi, дынамiчнае адраджэнне Касцёла пасля доўгiх гадоў ганенняў, сведчанне веры многiх мучанiкаў i сведкаў веры, а таксама тое, што фацiмскiя аб’яўленнi датычаць Беларусi i ажыццяўляюцца ў ёй”, – патлумачыў сваю прапанову арцыбіскуп.

У гэты ж дзень удзельнiкi форуму наведалі Віфлеем, дзе пазнаёміліся з працай каталiцкiх пунктаў дабрачыннасцi, Грот Нараджэння Ісуса, а таксама касцёл святой Кацярыны, дзе адбылася Святая Iмша, узначаленая Лацiнскiм Патрыярхам Іерусаліма Фуадам Туалем. Мітрапаліт Тадэвуш Кандрусевіч маліўся падчас Імшы ў iнтэнцыi нараджэння Ісуса на беларускай зямлi i ў беларускім народзе.

Пасля Iмшы адбылася сустрэча ўдзельнікаў асамблеі з пробашчамi i кансэкраванымi асобамi лацiнскага абраду, мелхiтамi i сiра-католiкамi. Увечары да сустрэчы далучыўся грэцкі праваслаўны Патрыярх, рэзідэнцыя якога знаходзіцца ў Іерусаліме.

Напярэдадні ўдзельнікі форума наведалі Магдалу, дзе жыла святая Марыя Магдалена. У санктуарыi “Duc in altum” адбылася Святая Iмша, якую ўзначаліў грэцкі бiскуп на пенсіі Фрагрыскос Папамвнолiс, Старшыня Канферэнцыi Каталіцкіх Бiскупаў Грэцыi.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
16.09.2015 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты