Нацбанк: няма ніякіх аб’ектыўных перашкодаў для працы візавых цэнтраў

 

НацбанкУ Беларусі няма ніякіх аб’ектыўных перашкодаў для паўнавартаснай працы візавых цэнтраў. Пра гэта заявіў начальнік галоўнага ўпраўлення валютнага рэгулявання і валютнага кантролю Нацбанка Анатоль Мароз, каментуючы паведамленні аб тым, што візавыя цэнтры прыпынілі прыём дакументаў на афармленне віз ад насельніцтва з пачаткам дзеяння пастановы Нацбанка № 515.

Ён адзначыў, што ў Беларусі няма заканадаўчых абмежаванняў для візавых цэнтраў па куплі замежнай валюты для выканання іх абавязацельстваў перад замежнымі пасольствамі, а стала быць – няма перашкод для працы ў новых умовах, перадае БЕЛТА.

Да ўступлення ў сілу пастановы № 515 візавыя цэнтры ўсталёўвалі кошты на свае паслугі ў замежнай валюце, але з аплатай беларускімі рублямі па курсе на дату аплаты, пры гэтым плату за самi візы спаганялі nолькі ў замежнай валюце, нагадаў Анатоль Мароз. Разам з тым, беларускі рубель з’яўляецца законным плацежным сродкам, абавязковым да прыёму на ўсёй тэрыторыі краіны. Гэта значыць, візавыя цэнтры і да пастановы № 515 павінны былі прадугледжваць магчымасць аплаты за візы як у замежнай валюце, так і ў беларускіх рублях, сказаў прадстаўнік Нацбанка. Пры такім падыходзе, па яго словах, складанасцяў з пераходам да новых правілах працы не паўстала б.

Як паведамляла Крыніца, візавыя цэнтры па ўсёй Беларусі спынілі прыём дакументаў ад кліентаў і часова прыпынілі працу ў сувязі з уведзенымі з 16 верасня Нацбанкам новымі правіламі правядзення валютных аперацый. Згодна з дакументам, пасярэднікам забараняецца прымаць ад кліентаў у аплату консульскага збору замежную валюту, а толькі беларускія рублi.

У візавым цэнтры Грэцыі ў Беларусі паведамілі, што візавыя цэнтры ў цяперашні час ўзгадняюць з пасольствамі і консульствамі парадак аплаты консульскага збору і пакуль дакументы на падачу віз не прымаюць.

Візавыя цэнтры могуць пачаць прыём дакументаў у панядзелак, 21 верасня, перадае TUT.BY. Жадаючыя падаваць візу цяпер змушаныя звяртацца толькі ў амбасады. Консульства Літвы ўжо павялічыла магчымасці па разглядзе хадайніцтваў у два разы.

“Арыентуючыся людзей на панядзелак, але ці пачнём прыём, не ведаем”, – сказалі ў офісе візавых цэнтраў Літвы, Іспаніі, Даніі і Грэцыі ў Мінску на вуліцы Чыгуначнай, 33.

У пасольстве Літвы ў Беларусі растлумачылі, што прадстаўнікі візавых цэнтраў кансультуюцца з Нацбанкам і іншымі інстанцыямі аб парадку працы ў новых умовах.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
17.09.2015 Беларусь| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты