У Салігорску пройдзе трэці этап «Крылаў Анёла»

ангелаУ Салігорску 16 кастрычніка пройдзе трэці этап абласнога дабрачыннага фестываля-марафона «Крылы анёла». Фестываль будзе прымеркаваны да Тыдня маці і 220-годдзя праваслаўнага храма Пакрова Прасвятой Багародзіцы ў вёсцы Чыжэвічы.

Свята пройдзе ў Гарадскім Палацы культуры пры ўдзеле епіскапа Слуцкага і Салігорскага Антонія. У межах фестывалю адбудзецца канцэртны тур аўтарскай праграмы Вячаслава Бабкова “У гэтым доме застанецца любоў – пра сям’ю, пра дом, за сям’ю!” з удзелам творчых калектываў Мінскай вобласці, а таксама ўзнагароджанне пераможцаў другога этапа фестывалю-марафону, які праходзіў з кастрычніка 2014 г па май 2015 года, паведамляе sobor.by.

Абласны дабрачынны марафон “Крылы анёла” – сумесны праект Упраўлення адукацыі Мінаблвыканкама, Цэнтра духоўнай асветы і сацыяльнага служэння “Усіх тужлівых Радасць” Беларускага Экзархата, Цэнтра сучаснай хрысціянскай культуры “Благавест”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі