У Йемене невядомыя абрабавалі і падпалілі касцёл

аденУ Адэне – партовым горадзе на поўдні Йемена – з 17 на 18 верасня быў абрабаваны і падпалены невядомымі злачынцамі каталіцкі храм Святой Сям’і. На думку мясцовых хрысціянаў, да злачынства могуць быць датычныя адэпты «Аль-Кайды», якіх у горадзе шмат.

На працягу апошніх месяцаў храм падвяргаўся нападам двойчы – у пачатку траўня, калі падраздзяленні паўстанцаў-хусітаў выбілі з горада ўрадавыя войскі, а таксама праз некаторы час, калі ВПС Саудаўскай Аравіі бамбілі Адэн. На днях прэм’ер-міністр Йемена Халед Бахах вярнуўся ў Адэн, вызвалены ад хусітаў, паведамляе fides.org.

У ЗША адбыўся напад на царкву

У амерыканскім Сан-Францыска невядомы ўварваўся ў храм свяціцеля Ціхана Рускай праваслаўнай царквы замяжой і зладзіў там пагром, крышачы з дапамогай сякеры ўсё, што траплялася пад руку, а таксама выкрыкваючы нецэнзурныя абразы ў бок рускіх. Дыякану Дзімітрыю Якімовічу ўдалося схапіць налётчыка і і ўтрымліваць яго на падлозе да прыезду паліцэйскіх, якія звязалі дэбашыра і перадалі яго брыгадзе “Хуткай дапамогі”, паведамляе interfax.ru.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
18.09.2015 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты