У Малайзіі і Эфіопіі вынесеныя прысуды за “абразы” мусульманаў

христианкаУ эфіёпскім горадзе Кіта ў акрузе Сілты шасцёра хрысціянаў – чальцоў камітэта па кіраванні прыходам Святой Марыі – прысуджаныя да турэмнага зняволення па факце пададзенай імі ж скаргі на пераследы з боку мусульман. Паскардзіўшыся, хрысціяне самі атрымалі тэрміны ад 5 да 8 гадоў.

У жніўні чальцы камітэта даслалі ліст лідарам царквы, скардзячыся на дыскрымінацыю ў сферы працаўладкавання і пагрозы фізічнай расправы. Факт скаргі стаў здабыткам мас-медыя, пасля чаго ўлады акругі, населенай пераважна мусульманамі, абвінавацілі хрысціянаў у распальванні рэлігійнай нянавісці, сообщет christianophobie.fr.

Старшыня царкоўнага камітэта Емарыям Ворке асуджаны на 8 гадоў і 8 месяцаў пазбаўлення волі, астатнія чальцы камітэта – на 5 гадоў і 6 месяцаў турмы.

У Малайзіі да 16 месяцаў турэмнага зняволення за абразу ісламу асуджаны палітык Дэвід Орак, сябра Партыі дзяржаўных рэформаў. Вярхоўны суд акругі Ката Кінабалу вынес прысуд па факце скаргі жанчыны, якая ўбачыла на старонцы палітыка ў Фэйсбуку пост, які палічыла абразлівым. У выніку разгорнутай супраць палітыка кампаніі іскавыя заявы падалі яшчэ 45 мусульманаў, паведамляе thestar.com.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі