Мітрапаліт Павел і епіскап Антоній узначалілі падземны хросны ход у Салігорску

солигорскМітрапаліт Мінскі і Заслаўскі Павел, Патрыяршы Экзарх усяе Беларусі, 21 верасня наведаў Салігорск. Падставай для візіта стала 15-годдзя асвячэння Раство-Багародзічнага кафедральнага сабора і адкрыццё музея Слуцкай епархіі ў вёсцы Чыжэвічы.

У Раство-Багародзічным кафедральным саборы герарх узначаліў святочную Боскую літургію ў саслужэнні епіскапаў Слуцкага і Салігорскага Антонія і Лідскага і Смаргонскага Парфірыя, а таксама сакратара Мінскага епархіяльнага ўпраўлення пратаіерэя Мікалая Коржыча, ключніка сабора пратаіерэя Мікалая Розава, сакратара Слуцкага епархіяльнага ўпраўлення пратаіерэя Мікалая Лабынькі, які з’яўляецца настаяцелем Пакроўскага храма ў Чыжэвічах, дзе адкрыты музей, а таксама ўсіх благачынных Слуцкай епархіі і гасцей ў святарскім сане з Мінскай і Лідскай епархіяў, паведамляе sluck-eparchiya.by.

Па заканчэнні Літургіі мітрапаліт Павел ўзнагародзіў пратаіерэя Мікалая Розава ордэнам Свяціцеля Кірыла, епіскапа Тураўскага, I ступені з нагоды 30-годдзя яго служэння ў епархіі. Таксама быў уганараваны медалём Свяціцеля Кірыла, біскупа Тураўскага, адзін з мецэнатаў епархіі, – старшыня аграфірмы “Лучнікі” Барыс Клешчукевіч.

шахтаДалей герархі накіравалі ў вёску Чыжэвічы, дзе ў сценах Духоўна-асветніцкага цэнтра Пакроўскага прыхода адбылася цырымонія адкрыцця Царкоўна-гістарычнага музея Слуцкай епархіі. Экскурсію для першых наведвальнікаў правёў епіскап Антоній, які паказаў багатую калекцыю старадрукаваных кніг, богаслужбовага рыштунку, а таксама экспазіцыю, прысвечаную 50-годдзю архірэйскай хіратоніі мітрапаліта Філарэта (Вахрамеева), Ганаровага Патрыяршага Экзарха ўсяе Беларусі.

У гэты ж дзень архіпастыры спусціліся пад зямлю ў адну з саляных шахтаў рудніка 1-га рудуправления ААТ “Беларуськалій”, дзе на глыбіні 420 метраў знаходзіцца падземнае аддзяленне Рэспубліканскай бальніцы спелеалячэння і асвяцілі яго. Герархі ўзначалілі падземны хросны ход, прайшоўшы на чале вернікаў з спевам трапара па лячэбных лабірынтах. На памяць пра ўнікальны хросны ход мітрапаліт Павел падарыў лекарам і пацыентам невялікія абразы Уваскрэсення Хрыстова, асвечаныя на Гробе Госпада.

Таксама герархі благаславілі стваральнікаў новага праваслаўнага моладзевага брацтва – брацтва святой праведнай Сафіі Слуцкай, створанае пры гарадскім храме Аляксандра Неўскага. Духоўнікам брацтва стаў настаяцель храма іерэй Сергій Рында, старшынёй – кіраўнік епархіяльнага аддзела па працы з моладдзю Павел Сяргееў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
22.09.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты