Манашка з-пад Мінска: як можна любіць чалавека, калі не любіш жывёл?

іаанаЖывёл любіць нашмат прасцей, чым людзей. У звярах няма граху – толькі добры пачатак і інстынкты, у якіх яны не вінаватыя, адзначае сястра Іаана з праваслаўнага манастырскага падворку пад Мінскам. Паводле яе слоў, «жывёлы створаны нам у суцяшэнне, каб сэрца наша памякчэла».

«Хіба хопіць веры, каб зноў і зноў дараваць і прымаць людзей, таму, каму не хапае веры на любоў да жывёл?» – задаецца пытаннем сястра ў гутарцы з «Леди TUT.by».

«Як жа ты будзеш трываць тых, хто здольны на злое слова і справу, калі не шкадуеш нават маўклівае і безабароннае? Калі не бачыш добрага ў тых, хто да апошняга трывае, верыць, ідзе да рук, якія б’юць? Сэрца, яно адно – няма двух розных «для людзей» і «для жывёл». І любоў у гэтым сэрцы таксама – альбо да ўсяго жывога, альбо няма яе зусім», – адзначае манашка.

Яна падкрэсліла, што не асуджае людзей, якія выкідваюць жывёл на вуліцу ці падкідаюць у манастыр, але не разумее, «як жа так». «Бо жывёла, пакінутая вамі, да канца не разумее, што здарылася. І спадзяецца да апошняга, што вы вернецеся. А калі сіл не застаецца, адчувае, паміраючы, толькі велізарную тугу, страх і боль», – дадала сястра Іаана.

Сёння на манастырскім падворку жыве 150 братоў – бяздомных, былых зняволеных і пацыентаў псіханеўралагічнага дыспансэра, тых, хто пакутуе на алкагалізм і наркаманію. Да зімы іх лік узрасце да 200. Таксама тут пражываюць каля 20 сабак і 30 катоў, «кінутых… і падкінутых». Лік апошніх таксама пастаянна расце, таму што іх рэгулярна падкідваюць у манастыр.

У сувязі з гэтым манастыр просіць аб дапамозе: медычнай дапамозе, медыкаментах і цёплых рэчах для людзей, кармах і леках для жывёл. Таксама актуальная аўтадапамога, каб адвозіць звяроў да ветэрынараў, і фінансавая дапамога – для стэрылізацыі жывёл і ўладкавання вальераў. Акрамя таго, неабходная рэальная дапамога ў даглядзе за жывёламі і віртуальная ў распаўсюдзе па інтэрнэце аб’яў па прытульванню жывёл падворку. Усю інфармацыю аб дапамозе можна атрымаць па адрасе belloto@mail.ru (Валанцёр Наталля).

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
23.09.2015 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты