Эксперты: Толькі адзін авіяўдар Расія нанесла па ІДІЛ

кадыровЗа мінулыя суткі расійская авіяцыя здзейсніла ў Сірыі 18 вылетаў, нанёсшы ўдары па 12 аб’ектах, пра што паведаміў 2 кастрычніка афіцыйны прадстаўнік мінабароны Расіі генерал-маёр Ігар Канашэнкаў. Нягледзячы на ​​тое, што расійскі бок запэўнівае, што бамбаванням падвергнуліся пазіцыі «Ісламскай дзяржавы», сусветная супольнасць ўстрывожаная звесткамі аб тым, што напады вядуцца на размяшчэнні сірыйскай апазіцыі, якая не прызнае прэзідэнта Асада, а таксама на мірнае насельніцтва.

Па словах Канашэнкава, ноччу ў паветра паднімаліся 10 самалётаў Су-34, Су-24М і Су-25, якія нанеслі ўдары па палявым лагеры баевікоў ІДІЛ ў раёне Маарет-Эн-Нууман ў правінцыі Ідліб, а таксама на ўездзе ў горад. Акрамя таго, гаворыцца аб ударах па лагеры падрыхтоўкі баевікоў “Ісламскай дзяржавы” ў раёне Мадай-Джадыд і замаскіраваным камандным пункце ў раёне Касерт-Фарадж, паведамляе bbc.com.

Тым не менш, узначальваемая ЗША міжнародная кааліцыя супраць ІДІЛ патрабуе ад Расіі спыніць бамбардзіроўкі апазіцыі і мірных жыхароў і сканцэнтравацца на барацьбе з ісламістамі. У сумеснай заяве Турцыі, ЗША, Вялікабрытаніі, Германіі і краінаў Персідскага заліва гаворыцца, што Расія наносіць ўдары па сірыйскай апазіцыі і грамадзянскіх аб’ектах, што прывядзе да далейшага развіцця канфлікта ў Сірыі.

Размешчаны ў Брытаніі Наглядальны цэнтр па правах чалавека ў Сірыі паведаміў, што расійская авіяцыя нанесла адзін удар па пазіцыях “Ісламскай дзяржавы” у Ракке – горадзе, які кантралююць джыхадысты, – у выніку якога загінулі 12 баевікоў.

 

Кадыраў гатовы ўключыцца ў наземную аперацыю ў Сірыі

Кіраўнік Чачні Рамзан Кадыраў заявіў аб гатоўнасці чачэнскіх вайскоўцаў выправіцца ў Сірыю для ўдзелу ў баях з “Ісламскай дзяржавай”. Ён адзначыў, што такое рашэнне павінен прыняць вярхоўны галоўнакамандуючы і прэзідэнт краіны Уладзімір Пуцін, дадаўшы, што чачэнскія вайскоўцы гатовыя да баявых дзеянняў. Па словах Кадырава, як толькі тэрарысты ў Сірыі зразумеюць, што да іх накіроўваюцца салдаты з Чачні, яны хутка сыйдуць адтуль.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі