Уцекачы-хрысціяне: Маліцеся за нас

Калі баевікі ІДІЛ захапілі буйныя тэрыторыі на поўначы Ірака больш за год таму, яны далі хрысціянам выбар: бегчы, застацца і плаціць падатак для няверных, звярнуцца ў іслам або памерці. Большасць збегла.

Многія хрысціяне, уцекачы ад пераследаў ІДІЛ, жывуць не ў буйных лагерах бежанцаў, а рассяліліся па ўсім Курдыстане.

Уцекачы з Масула і хрысціянскага горада Каракош падзяліліся сваімі гісторыямі.

«На ўскраіне горада баевікі выставілі блпкпост, – распавядае Лаіт Ганем. – Яны прыставілі пісталет да маёй галавы і сказалі аддаць ім усё, што было ў мяне ў кішэнях».

«Стрыечнага брата нашых суседзяў забілі за тое, што ён быў хрысціянін. Нас жа прагналі», – распавядае Візам Джубраэль.

Пастар Абу Фадзі працягвае апекаваць сваю паству, нават знаходзячыся ў выгнанні.

«Калі мы прыйшлі сюды восем месяцаў таму, я прасіў прадстаўнікоў гуманітарных арганізацый наведаць прыбылы’. Такім чынам Гасподзь паказаў мне, што слова Яго перадаецца не толькі праз словы, але і дзеі», – заўважыў пастар Фадзі.

Як і многія іншыя бежанцы, Мора Ганем просіць усіх людзей аб малітве. «Бог выратаваў нас і вывеў з Каракоша. Гэта значыць, што ён у нас верыць, але зараз нам патрэбна моцная вера, таму маліцеся аб умацаванні нашай веры», – просіць яна. «Я ганаруся хрысціянамі, таму што яны пакінулі усё ззаду і пайшлі за Хрыстом», – дадала Ганем.

«Хрысціяне Ірака маюць патрэбу ў малітве хрысціян з іншых частак свету, бо яны адчуваюць душэўныя, фізічныя і эмацыйныя пазбаўленні», – адзначыў іншы бежанец.

Дзесяцігадовая Мірыям, вядомая ў Інтэрнэце ролікам, у якім яна даруе баевікам ІДІЛ, адзначыла: «У якім бы становішчы мы не знаходзіліся, Бог гэта дапусціў. Мы не ведаем як жыць, пакуль з намі няма Ісуса».

Па матэрыялах CBN.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі