Мітрапаліт Кандрусевіч: У вачах людзей у базыліцы святога Пятра я пабачыў тугу па надзее

паниМітрапаліт Мінска-Магілёўскі арцыбіскуп Тадэвуш Кандрусевіч бярэ ўдзел у XIV Генеральнай Асамблее Сінода Біскупаў Каталіцкай Царквы “Пакліканне і місія сям’і ў Каталіцкай Царкве і сучасным свеце”, якi распачаўся ў Ватыкане 4 кастрычніка.

Напярэдаднi ўвечары на плошчы святога Пятра ў Ватыкане адбылося малiтоўнае чуванне з удзелам Папы Францішка ў iнтэнцыi Сiнода. Ранкам тысячы вернiкаў сустракалі біскупаў, які ішлі на Святую Імшу. “Калi я ішоў у вялікай чарзе бiскупаў праз базылiку святога Пятра на Iмшу на распачацце Сінода, то бачыў у вачах вернікаў, сабраных там у вялiкай колькасцi, тугу па надзеi. Гэта не былi балельшчыкі, якія знаходзяцца перад экранам тэлевiзара, але людзi, якiя даверылi сябе Богу праз бiскупаў. Цi прачытаем мы ў іх вачах, выходзячы 25 кастрычнiка са Святой Iмшы на завяршэнне Сiнода, спаўненне іх надзеi?» — распавядае арцыбіскуп Кандрусевіч, паведамляе catholic.by.

Кожны тыдзень працы Сiнода будзе прысвечаны разважанням над адной з трох тэмаў: «Выклiкi сям’i», «Паклiканне да сямейнага жыцця» i «Мiсiя сям’i сёння».  Чакаецца, што першы тыдзень будзе найбольш эмацыйным з улікам тэндэнцыйнага стаўлення да традыцыйнай сям’і ў сучасным свеце.

У форуме бяруць удзел 270 сiнадальных айцоў, 24 эксперты, 51 аўдытар, 14 дэлегатаў iншых хрысцiянскiх веравызнанняў, 18 сужэнстваў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі