Папа Францішак на адкрыцці Сінода аб сям’і: Любоў усё часцей высмейваюць і прадстаўляюць у выглядзе старамоднай сукенкі

папаУ ватыканскай базыліцы 4 кастрычніка адкрылася XIV Генеральная Асамблея Сінода Біскупаў Каталіцкай Царквы “Пакліканне і місія сям’і ў Касцёле і сучасным свеце”, прысвечанага сусветнаму крызісу, у якім апынуўся інстытут традыцыйнай сям’і.

Праца Сінода распачалася Святой Імшой, якую ўзначаліў Папа Францішак, заклікаўшы Касцёл да абвяшчэння “Евангелля сям’і” у праўдзе і любові, паведамляе be.radiovaticana.va.

“Сучасны чалавек перажывае драму глыбокай адзіноты. Гаворка ідзе не толькі пра ўдаўцоў або людзей, пакінутых сужонкам, але і пра мігрантаў і бежанцаў, пра многіх маладых людзей, якія становяцца ахвярамі спажывальніцтва, выкарыстання і выкідвання, культуры адчужэння”, – звярнуўся да герархаў Папа Францыск.

“У сучасным глабалізаваным свеце мы бачым шмат раскошных дамоў і хмарачосаў, але ўсё менш і менш бачым цяпла дома і сям’і, – настойвае пантыфік. – Сучасны чалавек усё менш і менш сур’ёзна ставіцца да развіцця цвёрдых і плённых адносінаў любові. Любоў трывалую, верную, надзейную, стабільную, плодную ўсё часцей высмейваюць і прадстаўляюць у якасці старамоднай сукенкі”. У той жа час Папа Францішак прызнае, што “і сённяшні чалавек па-ранейшаму зачараваны кожнай сапраўднай любоўю”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
04.10.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты