Што беларускія кандыдаты думаюць пра праблему абортаў?

абортАборты з’яўляюцца вельмі істотнай праблемай для Беларусі. Толькі паводле афіцыйнай статыстыкі міністэрства аховы здароўя, у краіне на 100 родаў даводзіцца 21 аборт. І гэта пры тым, што многія віды абортаў папросту не ўлічваюцца. У сувязі з гэтым krynica.info падчас цыклу інтэрв’ю з альтэрнатыўнымі кандыдатамі ў прэзідэнты распытала іх пра стаўленне да гэтай праблемы. Прапануем вашай увазе іх адказы.

гайдукевіч (18)Лідар Ліберальна-дэмакратычнай партыі Сяргей Гайдукевіч:

Я пра гэта нават чуць не хачу. Аборт — гэта бязбожнасць. … Нельга рабіць якімі-небудзь аднымі метадамі. Не трэба нікога слухаць. Патрэбны ўвесь комплекс мер, які існуе: і асвета, і прыцягненне людзей, і заканадаўча. Забараняць, ламаць людзей праз калена нельга. І Госпад нам гэта забараняе. Нам Госпад заўсёды казаў: не нашкодзь, угавары чалавека. Зрабі так, каб ён пачуў у сваёй душы і нешта зрабіў. Пачынаць трэба з гэтага. Я за тое, каб у школах на пэўным этапе ўвялі царкоўнае навучанне. Прытым ўлічваліся ўсе канфесіі. Павінен быць вялікі комплекс мер. Божая справа такая: калі чалавек пачуў — ён пачуў. Калі ён не пачуў, мы не маем права што-небудзь рабіць праз калена. Нельга. Госпад нас гэтаму не вучыў.

Короткевич - Караткевіч 5Прадстаўнік кампаніі «Гавары праўду!» Таццяна Караткевіч:

Мы павінны весці пастаянную прапаганду сям’і, тлумачыць, чаму рабіць аборт не варта. Тут важна ісці не метадам забаронаў. Татальная забарона абортаў прывядзе да таго, што жанчыны будуць гэта рабіць па-за клінік, рызыкаваць сваім здароўем і жыццямі. Мы пойдзем шляхам тлумачэння, чаму аборт рабіць не варта, будзем казаць пра каштоўнасць чалавечага жыцця. І яшчэ, жанчына павінна ведаць, нават калі становішча складанае: нараджай і дзяржава заўсёды табе дапаможа, зможаш пракарміць і апрануць дзіця, даць адукацыю.

Улаховіч 13Старшыня Беларускай патрыятычнай партыі, вярхоўны атаман РГА «Беларускае казацтва» Мікалай Улаховіч:

Для мяне гэта вельмі складанае пытанне. Зараз кожная маладая сям’я рэгулюе нараджальнасць. Мне здаецца, што сёння магчымасці дазваляюць абыйсціся і без абортаў. Але калі ўжо здарылася такое… У мяне такі выпадак адбыўся ў маёй сям’і. Мы адмовіліся ад усялякіх абортаў, і ў нас нарадзіўся цудоўны чалавек.

Я не магу навязваць, бо не ведаеш якая сітуацыя. Вось дапусцім, хворы на СНІД. Ці трэба нарадзіць чалавека, які будзе потым пакутваць? Гэта вельмі складана. Я лічу, што гэта індывідуальная рэч кожнага чалавека, і ён павінен прыняць рашэнне. Многія за веру ж і паміралі.

Жанчыны ж усё роўна ў асноўным хочуць дзіця. Аборт робяць адзінкі, якія ўжо зусім страцілі жаноцкасць ў галаве.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі