Нетаньяху: Ізраіль накрыла хваля тэрору

беньяминСямёра ізраільцянаў атрымалі 8 кастрычніка нажавыя раненні ў Іерусаліме і Тэль-Авіве, а таксама ў горадзе Афула на поўначы Ізраіля і ў раёне пасёлка Кір’ят-Арба на Заходнім беразе Ярдана.

Палестынец, які здзейсніў напад у Афуле, арыштаваны, а той, хто параніў 4 чалавекі ў Тэль-Авіве – застрэлены. Яшчэ адзін палестынец быў забіты ў сутыкненнях з ізраільскімі салдатамі на Заходнім беразе, паведамляе ru.euronews.com.

У гэты ж дзень прэм’ер-міністр Ізраіля Беньямін Нетаньяху заявіў, што яго краіну “накрыла хваля тэрору” і паабяцаў дзейнічаць: «Дзейнічаючы рашуча і метадычна, мы дакажам, што тэрор ня пройдзе, мы яго пераможам”.

Ізраільскі прэм’ер заклікаў сваіх грамадзян захоўваць пільнасць і заўсёды быць напагатове.

Хваля гвалту адрадзіла асцярогі аб пачатку трэцяй інтыфады – збройнага чыну палестынцаў супраць габрэйскай дзяржавы. У Іерусаліме ў Старым горадзе ў Дамаскай брамы – галоўнага ўваходу ў мусульманскі квартал – ізраільская паліцыя ўсталёўвае металашукальнікі.

Беньямін Нетаньяху забараніў дэпутатам кнесета і міністрам наведваць Храмавую гару, якая у чарговы раз стала прычынай канфлікту. Арабскіх парламентарыяў, якія прыйшлі, нягледзячы на забарону, не прапусціла паліцыя.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі