Кіраўнік украінскіх грэка-каталікоў: Родная мова 70% тых, хто змагаецца супраць сепаратыстаў і салдат РФ, – руская

ШаўчукАрцыбіскуп Святаслаў Шаўчук, кіраўнік украінскай Грэка-Каталіцкай Царквы, які бярэ удзел у Сінодзе Біскупаў, распачатым у Ватыкане 4 кастрычніка, выказаў сваю ацэнку пазіцыі Ватыкана ў адносінах да сітуацыі ва Украіне.

На думку арцыбіскупа, «час асцярожнай дыпламатыі заканчваецца», і ён спадзяецца на большы ўдзел Ватыкана ў справах дапамогі Украіне, якая з’яўляецца ахвяраю агрэсіі, паведамляе pl.radiovaticana.va.

“Тое, што мы бачым, з’яўляецца ўварваннем на тэрыторыю Украіны з боку расійскіх падраздзяленняў” – канстатаваў ён.

Вярхоўны арцыбіскуп Кіева-Галіцкі распавёў, што 70 % тых, хто змагаецца ў падраздзяленнях рэгулярнага ўкраінскага войска супраць сепаратыстаў і расійскіх салдат, – гэта людзі, чыёй роднай мовай з’яўляецца руская. Гэта сведчыць пра адзінства украінскага народа і украінскай арміі.

Напярэдадні былы Апостальскі Нунцый ва Украіне арцыбіскуп Томас Эдвард Галіксан, таксама выказаўся аб сітуацыі ва Украіне і ахарактарызаваў яе як трагічную. Герарх падкрэсліў неабходнасць дапамагі ўкраінцам і іх праву на самавызначэнне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі