Сіра-каталіцкі патрыярх: Захад здрадзіў хрысціянам Блізкага Усходу

синодСіра-каталіцкі патрыярх Антыёхіі Ігнацій Юсуф III Юннан 8 кастрычніка выступіў на Сінодзе Біскупаў у Ватыкане з заявай пра абуральную абыякавасць урадаў Захаду да трагічнай сітуацыі хрысціянаў Блізкага Ўсходу.

«Аб хрысціянах на Блізкім Усходзе забыліся, ім здрадзілі краіны Захаду», – кажа патрыярх Ігнацій Юсуф III Юннан, падкрэсліваючы, што пакуты хрысціянаў на Блізкім Усходзе, асабліва ў Сірыі і Іраку, «неапісальные». Герарх патрабуе не грэбаваць гэтай тэмай падчас дыскусіяў на Сінодзе, прысвечаным сямейнаму жыццю, таму што “пераважная большасць хрысціянскіх сем’яў у рэгіёне стала ахвярамі пераследаў”, паведамляе ilgiornale.it.

Грэка-каталіцкі біскуп Алепа вітае дзеянні расійскай авіяцыі

Мелкіцкі грэка-каталіцкі арцыбіскуп Алепа Жан-Клеман Джанбарт вітае ваенную падтрымку сірыйскага прэзідэнта Башара аль-Асада, якую аказвае Расія. Мелкіцкі герарх назваў бамбаванне пазіцыяў «Ісламскай дзяржавы» расійскай авіяцыяй «крыніцай надзеі для хрысціянаў краіны».

Па словах Жана-Клемана Джанбарта, Пуцін у дадзеным выпадку «служыць справе хрысціянаў», адначасова падкрэсліваючы, што Масква абараняе і свае ўласныя палітычныя інтарэсы ў Сірыі, паведамляе afp.com.

Арцыбіскуп Алепскі кажа пра «аднаўленне упэўненасці» сярод хрысціянаў у Сірыі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі