Расійская амбасада ў Сірыі падвергнулася абстрэлу

РаккаРасійская амбасада ў Дамаску 13 кастрычніка падвергнулася мінамётных абстрэлу падчас правядзення ля яе мітынгу ў падтрымку дзеянняў Расіі.

Напярэдадні кіраўнік групоўкі “Фронт ан-Нусра”, мясцовага аддзялення “Аль-Каіды”, заклікаў джыхадыстаў з Каўказа адпомсціць Расіі на яе тэрыторыі і запэўніў, што вайна ў Сірыі “прымусіць рускіх забыцца на жахі Афганістана”, паведамляе ru.euronews.com.

Сірыйскія ўрадавыя войскі пры падтрымцы удараў расійскай авіяцыі вызвалілі ад джыхадыстаў некалькі вёсак у правінцыі Латакія.

Сірыйскія курдскія “Атрады народнай самаабароны”, якія на пачатку гэтага года здолелі вызваліць ад джыхадыстаў горад Кабані, абяцаюць у бліжэйшыя тыдні пачаць наступ на Ракку – неафіцыйную сталіцу групоўкі “Ісламская дзяржава”.

Горад знаходзіцца пад кантролем ісламістаў з 2013 года. Да гэтай аперацыі, якую курды будуць каардынаваць з міжнароднай кааліцыяй на чале з ЗША і Саўдаўскай Аравіі, павінны далучыцца і некаторыя групоўкі памяркоўных паўстанцаў, якія атрымалі напярэдадні 50 тон боепрыпасаў ад ЗША.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі