Мітрапаліт Кандрусевіч: Праблемай Сінода застаецца пошук пастырскiх рашэнняў

сінодЛiнгвiстычныя групы каталіцкіх біскупаў – удзельнікаў Сінода Біскупаў па справах сям’і, які праходзіць у Ватыкане, – 14 кастрычніка прадставiлi справаздачы з высновамі лакальных абмеркаванняў.

Наступным крокам працы Сінода, як распавёў яго ўдзельнік, мітрапаліт Мінска-Магілёўскі арцыбіскуп Тадэвуш Кандрусевіч, стане распрацоўка сучаснай тэалогii сям’i з улікам праблематыкі сучаснай секулярнай культуры, паведамляе catholic.by.

“Удзельнiкi Сiнода яшчэ раз пацвердзiлi, што вучэнне Касцёла аб сям’i не павiнна падвяргацца дыскусіі, бо яно нязменнае, – распавядае мітрапаліт Кандрусевіч. – Аднак праблемай застаецца пошук пастырскiх рашэнняў, зыходзячы з рэальнасцi жыццёвай сiтуацыi сучаснай сям’i».

Нягледзячы на тое, што на Сiнодзе былі агучаныя палярныя погляды, асаблiва адносна праблемы напарушнасцi сужэнства i магчымасці святой Камунii для тых, хто развёўся і ўступіў у новы грамадзянскі шлюб, “на мiласэрнасць неабходна глядзець праз прызму вучэння Ісзуса, каб такiм чынам падрыхтаваць настольную кнiгу для сучаснай сям’i, – як бы яе дырэкторый”, – кажа арцыбіскуп Кандрусевіч.

«Айцы Сiнода i iншыя ўдзельнiкi гэтага сусветнага форуму бiскупаў iзноў звярнулi ўвагу на неабходнасць большага бiблiйнага i тэалагiчнага абгрунтавання фiнальнага дакумента, чым гэта прадстаўлена ў першапачатковых дакументах Сінода” – кажа герарх.

Таксама мітрапаліт распавёў, што асаблівая ўвага ў моўных групах была звернутая на пастырства падрыхтоўкi моладзi да сакрамэнту сужэнства, бо “праблема моладзi палягае сёння ў тым, што яна баіцца заключаць сакрамэнтальны сужэнскi саюз “назаўсёды”. Сярод прычын найчасцей узгадваецца адсутнасць разводаў у Касцёле i цяжкая эканамiчная сiтуацыя ў некаторых краiнах свету, а таксама iснуючая секулярная культура”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
15.10.2015 Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты