ЦВК не задаволіў скаргу Караткевіч па выніках выбараў

цикЦВК Беларусі не задаволіў скаргу экс-кандыдата ў прэзідэнты Таццяны Караткевіч з просьбай прызнаць выбары несапраўднымі.

Скаргу 16 кастрычніка  агучыў прадстаўнік Таццяны Караткевіч – сябра ЦВК з правам дарадчага голасу Ігар Лялькоў.

Згодна з дакументам, папярэднія вынікі назірання за выбарамі кажуць, што яны прайшлі з грубымі і сістэмнымі парушэннямі заканадаўства, не адказвалі патрабаванням Выбарчага кодэкса Беларусі і Капенгагенскім прынцыпам.

На думку каманды Караткевіч, пры зборы подпісаў і пры агітацыі, адзін з штабоў выкарыстаў адміністрацыйны рэсурс, падчас кампаніі распаўсюджваліся агітацыйныя матэрыялы, вырабленыя з парушэннем закона. У штаба Караткевіч ёсць прэтэнзіі з нагоды падліку галасоў і характару правядзення датэрміновага галасавання. Лялькоў таксама заявіў, што на пэўных участках мог быць ўкід бюлетэняў.

На пасяджэнні выступілі прадстаўнікі кіраўніцтва абласных выбаркамаў і выбарчай камісіі Мінска. Яны адзначылі, што гэтая кампанія была адна з самых цывілізаваных і была забяспечана празрыстая працэдура падліку галасоў, усе скрыні апячатваліся ў адпаведнасці з рэкамендацыямі ЦВК, перадае БЕЛТА.
Па іх словах, у дачыненні да маніпуляцый з яўкай, пра якія заявілі некаторыя назіральнікі, у выніку інфармацыя не пацвердзілася, да таго ж былі выпадкі, калі назіральнікі пацвярджалі факты парушэнняў на якім-небудзь участку, а самі працавалі на іншых участках, а не на тых , якія фігуравалі ў скаргах.

Прадстаўнікі рэгіянальных выбаркамаў пацвердзілі, што быў факт уключэння ў спісы выбаршчыка, які ўжо памёр, але сказалi, што ад яго імя паступала заяву аб галасаванні на даму – яшчэ тады, калі гэты чалавек быў жывы (у выніку ён не галасаваў).

Як паведамляла Крынiца, скаргу з просьбай прызнаць вынікі прэзідэнцкіх выбараў несапраўднымі 14 кастрычніка падала ў ЦВК Беларусі экс-кандыдат у прэзідэнты Таццяна Караткевіч.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі