Прыхільнікі абортаў пікетавалі касцёл у Аргентыне

Mar_del_Plata_cathedral_2007_Credit_Juan_Enrique_Gilardi_via_Flickr11 кастрычніка натоўп агрэсіўных прыхільніц абортаў паспрабаваў апаганіць каталіцкі сабор у горадзе Мар-Дэль-Плата у Аргенціне, а таксама кідаў камяні і бутэлькі ў людзей, якія маліліся.

Феміністкі дэманстравалі аголеную грудзі з надпісамі «Я зрабіла аборт» і «Я зрабіла выбар». 11 кастрычніка яны падышлі да касцёла, скандуючы «Касцёл – гэта лухта, гэта дыктатура».

Паліцыя ачапіла храм і ўстанавіла вакол яго агароджы, аднак прыхільнікам абортаў удалося прарваць загароду, на што паліцыя адрэагавала слёзатачывым газам і гумовымі кулямі.

Па сцвярджэнні прэзідэнта аргентынскай пралайф-арганізацыі «ArgentinosAlerta» Марціна Партыта, феміністкам атрымалася ператварыць мірны Нацыянальны Жаночы Кангрэс у шэсце ў абарону абортаў. Як паведамляе актывіст, паліцыя ўпершыню ўмяшалася ў падобныя беспарадкі, што з’яўляецца станоўчым знакам. «Падобныя актывісты з пенай у рота змагаюцца за правы жанчын, але чамусьці на дух не пераносяць свабоду веравызнання», – заўважыў Партыта.

Падобныя інцыдэнты ўжо адбываліся ў Аргенціне. Так, у лістападзе 2013 года група маладых людзей мірна абараняла сабор у горадзе Сан-Хуан-дэ-Куё. Нападаючыя феміністкі плявалі ў абаронцаў касцёла, наносілі ім удары і аблівалі фарбай.

Па матэрыялах CNA.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі