Мінская духоўная семінарыя запрашае да ўдзелу ў навуковым форуме свецкіх студэнтаў

семинарПраваслаўная Мінская духоўная семінарыя абвясціла аб прыёме заявак на ўдзел у XIV семінары студэнтаў вышэйшых навучальных установаў Беларусі “Шлях Праваслаўя на Белай Русі: да 1000-годдзя скону святога князя Уладзіміра”. Семінар запланаваны на 27 па 28 лістапада.

Рабочыя мовы семінара – беларуская, руская, англійская. Тэзісы дакладаў і заяўкі удзельнікаў па прыкладзенай форме прымаюцца да 21 лістапада па адрасе, пазначанаму тут.

Праблемнае поле семінара ўключыць у сябе напрамкі: хрысціянства ў гістарычных лёсах ўсходнеславянскага свету, духоўная спадчына ўсходнеславянскага свету, ўсходнеславянская цывілізацыя ў кантэксце глабальных палітычных і сацыякультурных працэсаў, традыцыі царкоўна-дзяржаўных адносінаў у краінах Усходняй Еўропы, хрысціянскія каштоўнасці ў кантэксце сучаснай еўрапейскай цывілізацыі.

Па выніках працы семінара мяркуецца выданне зборніка навуковых артыкулаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі