Іспанскія сацыялісты хочуць адмяніць рэлігійную адукацыю ва ўсіх школах краіны

 
Пэдра Санчэс, лідар Сацыялістычнай рабочай партыі Іспаніі, найбуйнейшай апазіцыйнай партыі краіны, заявіў, што ў выпадку перамогі на парламенцкіх выбарах у снежні яго партыя выключыць рэлігійныя курсы з праграм як дзяржаўных, так і прыватных школ.

Згодна з партыйнай платформай, нават прыватныя школы змогуць выкладаць рэлігію толькі ў якасці факультатываў.

Прадстаўнік Канферэнцыі каталіцкіх біскупаў Іспаніі Хасэ Марыя Гіль Тамаё адзначыў у сваім інтэрв’ю сетцы радыёвяшчання COPE, што нягледзячы на ​​тое, што школы абавязаны прадастаўляць магчымасць вывучэння рэлігіі, вучні і іх бацькі ў праве выбіраць, наведваць ім гэтыя заняткі ці не.

У адказ на заявы сацыялістаў, што ў выпадку іх перамогі на выбарах адзнакі за курс асноў рэлігіі не будуць уключацца ў сярэдні бал вучняў, кс. Тамаё нагадаў, што простыя іспанцы, асноўны электарат СРПІ, у асноўным з’яўляюцца каталікамі і што партыя «сама сабе стварае праблемы».

Зараз кіруючай партыяй Іспаніі з’яўляецца кансерватыўная, хрысціянска-дэмакратычная Народная Партыя. У апошні раз сацыял-дэмакратычная СРПІ была ва ўладзе з 2004 па 2011 гады, прэм’ер-міністрам краіны ў той перыяд быў Хасэ Радрыгес Сапатэра.

Па матэрыялах CNA.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі