Папа Францішак: Біблія – небяспечная кніга

Папа Рымскі Францішак сцвярджае, што Біблія з’яўляецца «вельмі небяспечнай кнігай», бо па ўсім свеце мноства людзей становіцца ахвярамі арыштаў і забойстваў за яе захоўванне.

У прадмове да новага нямецкамоўнага выдання Бібліі для моладзі пантыфік піша пра небяспекі, звязаныя з захоўваннем Бібліі: “У наш час ганенням падвяргаецца больш хрысціян чым у эпоху ранняга хрысціянства. Іх пераследуюць за тое, што яны носяць крыж і нясуць сведчанне Хрыста. Іх судзяць за захоўванне Бібліі».

У сваім звароце Папа Рымскі параўноўвае захоўванне Бібліі ў некаторых краінах з захоўваннем «звязкі гранат».

Далей у прадмове Папа Францішак заклікае моладзь не ставіць Біблію на паліцу, а зрабіць яе сваёй настольнай кнігай, чытаць яе разам з сябрамі і роднымі.

Па матэрыялах Christian Post.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі