У Малдове ствараюць праеўрапейскую кааліцыю

флаг молдовы
У Малдове праеўрапейскія сілы ўжо 31 кастрычніка павінны пачаць перамовы для стварэння стабільнага ўраду. З такім заклікам выступіў лідар Дэмакратычнай партыі Малдовы Марыян Лупу.

Ён прапануе праеўрапейскім сілам сабрацца за сталом перамоваў, і тады ўжо праз тыдзень яны атрымаюць, па яго словах, новую палітычную большасць, здольную забяспечыць стабільны ўрад, паведамляе «Еўрапейская праўда» са спасылкай на Publika.md.

Лупу заявіў, што дэмакратычная партыя гатовая да перамоваў у любы час, каб праз некалькі дзён была кааліцыя і новы ўрад.

Лідар Ліберальнай Партыі Малдовы Міхай Гімпу ўпэўнены, што няма іншага шляху, акрамя фарміравання новага праеўрапейскага альянсу, перадае Newsmaker.

«Калі ў нас будзе іншы палітычны клас, тады мы зможам казаць аб еўрапейскіх стандартах, да якіх хочам прыйсці», — сказаў Гімпу.

У чацвер, 29 кастрычніка, малдаўскі парламент выказаў ураду Валерыя Стральца вотум недаверу.

За рашэнне аб адстаўцы пры неабходных 51 голасе прагаласавалі 65 дэпутатаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
30.10.2015 У свеце| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты