Хрысціяне, юдэі і мусульмане Канады аб’ядналіся супраць эўтаназіі

У сувязі з тым, што эўтаназія неўзабаве можа быць легалізаваная ў Канадзе, каталіцкія біскупы краіны, пратэстанцкая кааліцыя, а таксама юдэйскія і мусульманскія лідары аб’ядналіся каб выказаць свой пратэст супраць эўтаназіі. «Грунтуючыся на нашых веравучэннях, мы настойваем на тым, што любое дзеянне, накіраванае на пазбаўленне чалавека жыцця – неэтычнае», – кажа іх сумесная заява.

Згодна Дэкларацыі аб Эўтаназіі, сіла чалавечага духу выяўляецца ў салідарнасці і еднасці, і не эўтаназія, а ўвага і догляд за хворым лепш за ўсё сцвярджаюць годнасць чалавечага жыцця.

Дэкларацыя з’яўляецца рэакцыяй на рашэнне Вярхоўнага Суда Канады, згодна з якім лекары могуць дапамагаць здзяйсняць самагубства пацыентам, пакуты якіх невыносныя. Раней у краіне прадугледжвалася пакаранне ў выглядзе турэмнага зняволення тэрмінам да 14 гадоў за арганізацыю або ўдзел у падобнай працэдуры.

Аб’яднаная заява духоўных лідараў Канады дэкларуе недатыкальнасць чалавечага жыцця. У тэксце звароту сцвярджаецца, што «пры эўтаназіі жыцці хворых і паміраючых людзей ставяцца ніжэй за жыцці астатніх». «Падобны падыход не забяспечвае роўнага захавання годнасці нашых уразлівых братоў і сясцёр», – гаворыцца ў тэксце звароту.

Па сцвярджэнні падпісанташ, дапамогу людзям жыць і паміраць годна заключаецца ў атачэнні іх любоўю і клопатам, у прадастаўленні якасных болесуцішальных прэпаратаў, у псіхалагічнай, духоўнай і псіхалагічнай падтрымцы.

Духоўныя лідары таксама заявілі, што работнікі сістэмы аховы здароўя павінны прытрымлівацца жыццесцвярджальнай этыкі і што практыка эўтаназіі парушае адносіны паміж дактарамі і пацыентамі.

Па матэрыялах CNA.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі