На мінскіх вуліцах з’явяцца здымкі дзяцей, уратаваных ад аборту

сэрцыКаталіцкі фонд «Адкрытыя сэрцы» збірае сродкі для вулічнай пралайф-фотавыставы «Мяне магло б не быць». Кожны жадаючы можа падтрымаць праект праз платформу «Мае сэнс».

Фотавыстава будзе ўяўляць з сябе здымкі дзяцей, бацькі якіх перадумалі рабіць аборт, дзякуючы працы валанцёраў фонда, паведамляе catholic.by.

«Гэты праект праводзіцца паралельна з выставай «Два шляхі». Фотавыставай мы хочам паказаць, што абарона жыцця прыносіць канкрэтныя плады. Калі ты бачыш гэтыя плады,то разумееш, што ёсць сэнс маліцца», – кажа арганізатар фонду «Адкрытыя сэрцы» Уладзіслаў Валаховіч.

Дабрачынны мясцовы фонд «Адкрытыя сэрцы» быў створаны ў Магілёве ў 2009 годзе. Асноўнай мэтай фонду з’яўляецца абарона жыцця ад моманту зачацця, а таксама абарона інстытута традыцыйнай сям’і.

Прадстаўнікі Фонда ладзяць супольныя малітвы ў гінекалагічных аддзяленнях Віцебска, Магілёва і Баранавічаў, рыхтуюць валанцёраў, ладзіць у касцёлах малітоўныя сустрэчы ў інтэнцыі ненароджаных дзяцей.

Таксама «Адкрытыя сэрцы» дапамагаюць жанчынам, якія адмовіліся рабіць аборт, рыхтуюць маладыя пары да вянчання, выкладаюць «Метад натуральнага распазнавання плоднасці», таксама чытаюць лекцыі ў навучальных установах.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі