У Беларусі будзе працаваць «Радыё Марыя»

марыяУ красавіку наступнага года ў Беларусі пачне працаваць каталіцкае «Радыё Марыя Беларусь» – такое рашэнне было прынятае на нядаўнім сусветным кангрэсе «Радыё Марыя», на які былі запрошаныя прадстаўнікі Беларусі .

Пакуль трансляцыі будуць весціся толькі ў сеціве Інтэрнэт, але ў перспектыве плануецца пашырэнне спосабаў вяшчання, кажа кіраўнік «Радыё Марыя Беларусь», свецкі вернік Вячаслаў Гулевіч, паведамляе be.radiovaticana.va.

Праграмы радыёстанцыі, якая будзе вяшчаць на беларускай мове, дадуць магчымасць слухачам пазнаёміцца з хрысціянскай навукай, пачуць трансляцыі службаў з розных каталіцкіх святыняў па ўсёй Беларусі, перадачы культурнай, хрысціянскай і сацыяльнай тэматыкі, музыку, рэпартажы пра важныя падзеі з жыцця Касцёла ў розных краінах свету.

Таксама будуць прадстаўлены інтэрактыўныя праграмы, падчас якіх слухачы змогуць атрымаць адказы на свае пытанні ў спецыяльна запрошаных гасцей-святароў.

Каб зрабіць «Радыё Марыя» даступным для ўсіх слухачоў, будзе распрацоўвацца радыё-бокс з магчымасцю далучэння да яго 3G-мадэма, – такое рашэнне будзе зручным для людзей, якія мала карыстаюцца інтэрнэтам і не маюць смартфонаў.

Ёсць намер дамовіцца аб уключэнні радыё ў пакет кабельных аператараў, каб яго можна было слухаць праз тэлевізар. Абавязкова будзе створаны дадатак для смартфонаў.

Духоўным апекуном новага радыё прызначаны пробашч касцёла святых апосталаў Пятра і Паўла ў Капылі кс. Аляксандр Тарасевіч.

Радыёстанцыя «Радыё Марыя» была створана ў Італіі ў 1987 годзе як асацыяцыя каталіцкіх святароў і грамадзянаў, мэтай якіх было вынясенне навукі Каталіцкай Царквы за межы парафіяў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
06.11.2015 Навіны цэркваў| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты