Працягваецца прыём студэнцкіх заявак на семінар аб праваслаўі

семинарПрацягваецца прыём заявак студэнтаў свецкіх ВНУ на ўдзел у семінары «Шлях Праваслаўя на Белай Русі: да 1000-годдзя скону святога князя Уладзіміра», які пройдзе ў Мінскай духоўнай семінарыі 27-28 лістапада.

Тэзісы дакладаў і заяўкі удзельнікаў па прыкладзенай форме прымаюцца да 21 лістапада. Кантактная інфармацыя, а таксама правілы афармлення працаў маюцца тут.

Студэнцкі семінар праводзіцца ў 14-ы раз, у гэтым годзе яго праблемнае поле акрэсленае наступнымі тэмамі: хрысціянства ў гістарычных лёсах ўсходнеславянскага свету, духоўная спадчына ўсходнеславянскага свету, усходнеславянская цывілізацыя ў кантэксце глабальных палітычных і сацыякультурных працэсаў, традыцыі царкоўна-дзяржаўных адносінаў у краінах Усходняй Еўропы , хрысціянскія каштоўнасці ў кантэксце сучаснай еўрапейскай цывілізацыі.

Семінар пройдзе ў пасёлку Жыровічы. Па выніках яго працы будзе выдадзены зборнік навуковых артыкулаў.

Пражыванне і харчаванне забяспечвае прымаючы бок.

Рабочыя мовы семінара – беларуская, руская, англійская.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі