У лідскай царкве пасля Літургіі мералі ціск

OLYMPUS DIGITAL CAMERAУ лідскім праваслаўным храме Усіх святых 15 лістапада па заканчэнні Боскай Літургіі можна было змерыць артэрыяльны ціск у спецыяльна наладжаным ў царкве пункце.

Ініцыятарам акцыі ў межах рэспубліканскага медыка-прафілактычнага праекта «Здаровае сэрца – вектар жыцця» выступіў настаяцель храма пратаіерэй Уладзімір Яроміч пры падтрымцы лекараў Лідскай цэнтральнай раённай бальніцы, паведамляе lida-eparhia.by.

У гэты дзень падчас пропаведзі святар звярнуў увагу на тое, што нашыя хваробы часта становяцца следствам грахоў чалавека, да прыкладу, гіпертанія часта прыходзіць да тых, хто нястрыманы, раздражняльны, крыклівы. Таксама святар падкрэсліў і тое, што Бог даў чалавеку талент лекавання і стварэння лекаў таму, што гатовы вылечваць яго.

Па заканчэнні Літургіі на пытанні вернікаў пра здароўе адказалі урач-тэрапеўт Таццяна Енка і фельчар-валеолаг Валянціна Шафарэвіч.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі