Складаваныя ў казематах Брэсцкай крэпасці габрэйскія надмагіллі стануць музейнай экспазіцыяй

плитыЗ казематаў Брэсцкай крэпасці пачаты вываз старадаўніх габрэйскіх надмагільных плітаў. Вывозіць каменныя надмагіллі дапамагаюць актыўныя брэстаўчане.

Па словах Рэгіны Сіманенкі, старшыні Брэсцкай габрэйскай супольнасці, у казематах Крэпасці захоўваюцца каля 1500 цэлых мацэваў і фрагментаў, якія будуць перавезеныя ў лапідарый, эскізны праект якога знаходзіцца ў стадыі распрацоўкі. Лапідарый – экспазіцыя узораў пісьменства на каменных плітах – будзе знаходзіцца на дзялянцы былых габрэйскіх могілак блізу брэсцкага стадыёна «Лакаматыў», паведамляе kp.by.

Некалькі дзесяцігоддзяў таму ў дварах брэсцкіх старых прыватных дамоў надмагільныя камяні ляжалі проста пад нагамі, – жыхары ўкладвалі імі дарожкі.

Па законах іудаізму, мацэвы нельга паставіць у зямлю, калі ў ёй не пахаваны чалавек, па гэтай прычыне фрагменты надмагілляў будуць размешчаныя на сцяне накшталт іерусалімскай Сцяны плачу.

У Гомелі старадаўнія надмагіллі кінутыя ў цэнтры горада

Між тым гамяльчане выявілі ў цэнтры горада, блізу старажытнага парку, у двары Паляўнічага дамка, у якім размешчаны Музей гісторыі Гомеля, кінутыя на зямлі старадаўнія надмагіллі з надпісамі габрэйскай і рускай мовах пачатку ХХ стагоддзя.

Экс-дырэктар музея Юлія Купрэева ​​кажа, што іх прывезлі ў двор музея неабыякавыя гараджане, якія выратавалі іх ад знішчэння падчас рэканструкцыі футбольнага стадыёну на месцы габрэйскіх могілак. У музейных работнікаў няма спецыяльнай тэхнікі для таго, каб падняць іх і размясціць для экспазіцыйнага захоўвання.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі