У Шчучыне міністранты аднаўлялі абяцанні Хрысту

піярыУ Шчучыне ў парафіі святой Тэрэзы Авільскай 22 лістапада, у свята Хрыста Валадара Сусвету, міністранты і моладзевы хор ўрачыста аднавілі свае абяцанні літургічнай паслугі.

Падчас Святой Імшы да кандыдатаў, якія рыхтуюцца стаць міністрантамі, далучыліся сем хлопчыкаў, яшчэ некаторыя перайшлі на чарговую ступень прыналежнасці да літургічнай службы алтара, паведамляе catholic.by.

Таксама абяацанні перад пробашчам парафіі а. Вітальдам Пяцельчыцам SP склаў моладзевы хор «Calasanz», частка ўдзельнікаў якога атрымала знакі прыналежнасці да хору. Таксама да парафіяльнага хору далучыліся сем кандыдатак.

Пасля Святой Імшы моладзь чакаў салодкі пачастунак.

Напярэдадні маладыя шчучынскія каталікі ўрачыста прынялі з рук душпастыра моладзі Гродзенскай дыяцэзіі і каардынатара падрыхтоўкі да Сусветных Дзён Моладзі ў Беларусі кс. Антонія Грэмзы мініяцюры духоўных сімвалаў СДМ – крыжа і абраза Маці Божай Salus Populi Romani.

У гэты дзень ў Шчучын з вялікіх гарадоў прыехалі тутэйшыя студэнты, каб у атмасферы свята з’яднацца са сваімі пагодкамі.

Старэйшая моладзь парафіі, якая ў 2011 годзе на чале з а. Вітальдам Пяцельчыцам SP прымала ўдзел у СДМ у Мадрыдзе, падзялілася сваімі ўспамінамі.

Шчучын – трэці горад у Гродзенскай дыяцэзіі, які прымае мініяцюры духоўных сімвалаў СДМ.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
23.11.2015 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты