Біскуп Цвор: У сучасным хрысціянстве ёсць мноства рэчаў, супраціўных волі Божай

цворУ Мінску ў царкве Хрысціян Веры Евангельскай “Гефсіманія” 23 лістапада адбыўся дыялог на тэму ўзаемаадносін вернікаў у царкоўным асяроддзі. Гутарку правёў біскуп АЦХВЕ ў Беларусі Сяргей Цвор.

На пачатку гутаркі біскуп Цвор падкрэсліў, што мы жывём у няпросты час, калі людзі, асабліва маладыя, падвяргаюцца розным нападам. У першую чаргу, гэта інтэлектуальныя атакі праз розныя ерасі і лжэвучэнні. «Мы павінны мець добры падмурак евангельскага вучэння, каб не сысці з правільнага шляху, якім нас вядзе Гасподзь», – адзначыў біскуп. Аўдыёзапіс размовы можна праслухаць тут.

«Людзі ўсё яшчэ паміраюць за Хрыста, – нагадаў біскуп. – Мы сёння жывем у досыць свабоднай краіне, але ў іншых месцах, асабліва з мусульманскім веравызнаннем, хрысціянаў жорстка гоняць і нават забіваюць. Мы ж павінны ўсімі сіламі імкнуцца быць беззаганнымі і неапаганенымі. Да нашага сораму, у сучасным хрысціянстве ёсць мноства рэчаў, супраціўных волі Божай».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі