У Іспаніі больш за 200 асвячоных гостый скрадзеныя для блюзнерскай выставы

Падчас імшаў у горадзе Памплона (Іспанія) мастак Абель Аскона скраў больш за 240 гасцей. Пазней з выкрадзеных дароў ён выклаў на зямлі слова «педэрастыя».

Фота дадзенага надпісу было размешчана ў грамадскай галерэі мастацтваў горада. Гарадская рада Памплоны знаходзіцца пад кантролем басконскай сепаратысцкай сацыялістычнай кааліцыі «Більду».

Асацыяцыя хрысціянскіх юрыстаў падала пазоў супраць мастака па артыкулах 524 «абраза пачуццяў вернікаў» і 525 «блюзнерства» Крымінальнага кодэкса Іспаніі, таксама паабяцаўшы, што яшчэ адзін пазоў будзе пададзены супраць гарадской адміністрацыі, калі фатаграфія не будзе прыбрана з экспазіцыі да 26 лістапада.

Прадстаўнікі асацыяцыі выказалі сваё здзіўленне з нагоды таго, што гарадская рада «незалежна ад сваёй палітычнай афарбоўкі» прыняла ўдзел у блюзнерскіх і злачынных дзеяннях.

У выпадку, калі Абель Аскона ужо прыцягваўся да крымінальнай ці адміністрацыйнай адказнасці, то акрамя штрафу яго чакае і турэмны тэрмін.

Грамадская арганізацыя «Maslibres.org» плануе правесці акцыю пратэсту перад будынкам гарадской рады Памплоны з патрабаваннямі прыбраць фатаграфіі з музея. Арганізатары мерапрыемства называюць дадзеную экспазіцыю «жудаснай атакай супраць свабод грамадзян Іспаніі і відовішчам, якое адлюстроўвае духоўную і артыстычную галечу гэтага так званага мастака».

Да вечара 23 лістапада больш за 75 тысяч чалавек падпісалі петыцыю на сайце Change.org, якая змяшчае патрабаванне ад гарадской рады неадкладна і цалкам прыбраць дадзены экспанат з музея.

Па матэрыялах CNA.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі