ЗША прызналі напад на шпіталь ў Афганістане «трагічнай памылкай», у «Лекараў без межаў» застаюцца пытанні

ДжонУ ЗША 24 лістапада завяршылася афіцыйнае расследаванне кастрычніцкай бамбардыроўкі амерыканскімі ваеннымі афганскага шпіталя ў Кундузе.

«Усяму віной стаў чалавечы фактар», – прызналі амерыканскія вайскоўцы ў выніку расследавання. Пад бомбамі загінулі 20 чалавек, яшчэ 40 атрымалі раненні, паведамляе ru.euronews.com.

Камандуючы амерыканскімі войскамі ў Афганістане генерал Джон Кэмпбэл заявіў, што бамбардыроўка была трагічнай памылкай: «Амерыканскія ваенныя сілы ніколі б не сталі наўмысна бамбіць шпіталь або іншыя падобныя аб’екты. Я магу афіцыйна заявіць, што людзі, адказныя за тое, што адбылося, былі адхіленыя ад сваіх абавязкаў».

Па словах генерала, вінаватыя будуць падвергнутыя адміністратыўнаму і дысцыплінарнаму пакаранню.

“Урачы без межаў” адпрэчваюць прадстаўленыя ваеннымі вынікі. Генеральны дырэктар гуманітарнай арганізацыі сцвярджае, што пасля афіцыйнага расследавання застаецца больш пытанняў, чым адказаў: «Як на самой справе гэтая чарада памылак магла адбыцца, і пад чыім кіраўніцтвам амерыканскія ваенныя дзейнічалі ў гэтую ноч?»

Узброеныя сілы ЗША разбамбілі шпіталь, які арганізавалі “Лекары без межаў” у Кундузе 3 кастрычніка. У шпіталі на той момант знаходзіліся больш за 80 лекараў і 100 пацыентаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі