Хрысціяне Ірака натхнёныя пабудовай новай царквы ў лагеры для бежанцаў

Будаўніцтва новай царквы ў лагеры для бежанцаў у Багдадзе натхніла насельнікаў лагера.

Як паведамляе міжнародная арганізацыя «Amigos de Irak» («Сябры Ірака»), новы храм, прысвечаны Панне Марыі, быў асвячоны 13 лістапада ў час Імшы, праведзенай каталіцкім арцыбіскупам Багдаду Жанам Слейманам і прадстаўнікамі нунцыятуры і мясцовых цэркваў.

На службе таксама прысутнічалі арцыбіскуп Багдадскай сірыйскай архідыяцэзіі Аба Мансур і праваслаўны святар, які з’яўляецца кіраўніком лагера.

Пабудова храма стала магчымая дзякуючы ахвяраванням з усяго свету і дапамозе папскага Фонду дапамогі царквы ў бядзе. Па паведамленнях Amigos de Irak, будаўніцтва ў Багдадзе абыходзіцца вельмі дорага, таму ў будаўніцтве выкарыстоўваліся матэрыялы, якія былі ва ўжыванні. Архітэктар праекта Абу Рамі, не ўзяў за сваю працу грошай і дапамог набыць частку матэрыялаў.

Па суботах і нядзелях у храме будуць праводзіцца імшы, а на працягу тыдня яна будзе выкарыстоўвацца для іншых мэтаў.

Па матэрыялах CNA.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі