Вердыкт суда: Грамадскага абмеркавання будаўніцтва царквы на запаведным возеры Балдук ня будзе

БолдукУ Глыбокім 27 лістапада быў агучаны вердыкт суда па пазове экалагічнай грамадскай арганізацыі “Экадом” і жыхароў вёскі Станчыкі, якія пратэстуюць супраць будаўніцтва праваслаўнай царквы на беразе запаведнага возера Балдук, экасістэма якога выключае любое прыбярэжнае будаўніцтва.

Адказчыкі – Пастаўскі райвыканкам у асобе прадстаўляючых яго юрыстаў, а таксама ініцыятар будаўніцтва – мінскі мецэнат Мікалай Раманевіч, які набыў на беразе возера леціша, – у суд не з’явіліся. Прадстаўніку “Экадома” юрысту Рыгору Фёдараву было заяўлена аб адмове ў задавальненні патрабаванняў правядзення грамадскіх абмеркаванняў будаўніцтва, паведаміла ў сваім акаўнце ў сацыяльнай сетцы чалец савета ГА “Экадом” Ірына Сухій.

У тлумачэнне вынесенага рашэння суддзя паведаміў, што грамадскія абмеркаванні павінныя былі быць праведзеныя да будаўнічых экспертызаў, у дадзены жа момант ужо маецца заключэнне экспертызаў.

Таксама суддзя звярнуў увагу на той факт, што эколагамі пакуль што ня абскарджаны сам факт правамоцнасці рашэння выканкама аб дазволе на будаўніцтва.

Галоўным дасягненнем барацьбы эколагаў і грамадскага рэзанансу вакол будаўніцтва Ірына Сухій лічыць надзею на тое, што ідэя будаўніцтва на царкоўным падворку дзіцячага летніка на 150 месцаў, магчыма, будзе замарожаная, бо праект стварэння летніка прыняў канфліктны абарот. Эколагі прадстаўляюць аргументы на карысць таго, што наяўнасць летніка загубіць унікальную экасістэму возера, а мясцовыя жыхары абураныя тым, што летнік можа апынуцца казацкім, бо настаяцель пастаўскай царквы свяціцеля Мікалая Цудатворцы, пад началам якога будзе новаствораны прыход у Станчыках, з’яўляецца адным з духоўных лідараў мясцовага казацтва.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.11.2015 Беларусь| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты