Чытанні ў Магілёве: Супрацьпаставіць цёмнаму валу маскультуры нацыянальную духоўнасць

могилевУ Магілёве 26 лістапада прайшлі IX абласныя праваслаўныя Георгіеўскія агульнаадукацыйныя чытанні.

З прывітальным словам да ўдзельнікаў Чытанняў, якія сабраліся ў Магілёўскім абласным ліцэі № 3, звярнуўся епіскап Магілёўскі і Мсціслаўскі Сафроній. Дакладчыкі прадставілі выступы як гістарычнага і тэарэтычнага характару, так і практычнай накіраванасці, паведамляе mogeparhia.by.

Дацэнт кафедры гісторыі Беларусі новага часу БДУ Валянціна Цяплова і выкладчык Магілёўскага медыцынскага каледжа Антаніна Антоненка асаблівую ўвагу надалі праблеме масіраванага ўдару сучаснай масавай культуры, якая абвальваецца на карыстальніка са сродкаў масавай інфармацыі і інтэрнэту, дакладчыкі заклікалі «супрацьпаставіць гэтаму цёмнага валу сучаснай масавай культуры нашыя нацыянальныя духоўныя каштоўнасці і годны лад жыцця чалавека».

З дакладам аб магілёўскім герархе мінулага, свяціцеле Георгіі Каніскім, памяці якога прысвячаліся Чытанні, выступіў кандыдат філалагічных навук Сяргей Сомаў, падкрэсліўшы, што менавіта на кіраўніках і уладарах ляжыць асаблівая адказнасць перад людзьмі і перад Богам.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі