Мітрапаліт Кандрусевіч запрашае журналістаў на аплатковую сустрэчу

облаткиМітрапаліт Мінска-Магілёўскі арцыбіскуп Тадэвуш Кандрусевіч запрашае журналістаў на аплатковую сустрэчу, якая адбудзецца ў межах перадкаляднай прэс-канферэнцыі герарха 8 снежня ў курыі Мінска-Магілёўскай архідыяцэзіі.

Сустрэча пачнецца ў 11.00, паведамляе catholic.by.

У Гродне адбудзецца свята для ўдзельнікаў пілігрымкі ў Рось

У Гродне ў парафіі Беззаганнага Зачацця Найсвяцейшай Панны Марыі 26 снежня адбудзецца аплатковая сустрэча ўдзельнікаў пешай пілігрымкі Гродна-Рось (у санктуарый Ісуса Журботнага ў Росi). На сустрэчу запрашаюцца ўдзельнікі гэтай пілігрымкі і тыя, хто хоча імі стаць.

Сустрэча пачнецца Святой Імшой у 19.00 у інтэнцыі ўсіх ахвярадаўцаў і ўдзельнікаў пілігрымкі. Пасля Імшы адбудзецца дзяленне аплаткай, салодкі пачастунак і забавы у дольным касцёле.

Таксама ў касцёле Звеставання Найсвяцейшай Панне Марыі з 11 па 13 снежня адбудуцца рэкалекцыі для ўсіх супрацоўнікоў гарадскіх службаў аховы здароўя. Рэкалекцыі ўзначаліць а. Віталій Сапега OP, які апякуецца Душпастырствам службы аховы здароўя святых Космы і Дам’яна ў Гродне. Праграма рэкалекцыяў маецца тут.

У Магілёве на адвэнтавае чуванне збярэцца моладзь

У магілёўскай катэдры Унебаўзяцця Найсвяцейшай Панны Марыі і святога Станіслава 12 снежня адбудзецца адвэнтавае чуванне моладзі «Шчаслівыя чыстыя сэрцам, бо яны Бога ўбачаць». Праграма сустрэчы маецца тут.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
03.12.2015 Абвесткі, Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты