Кіраўнік каталікоў Ірака: Нашыя агульныя пакуты з мусульманамі стануць сілай, якая спыніць шторм

СакоКіраўнік Халдэйскай каталіцкай царквы патрыярх Луіс Рафаэль I Сако звярнуўся да іракскіх каталікоў, жыццё якіх штодня падвяргаецца небяспецы, з нагоды юбілейнага Года міласэрнасці.

«Для нас, іракскіх хрысціянаў, пакутніцтва – харызма нашай Царквы. Як меншасць, мы сутыкаемся з цяжкасцямі і ахвярамі, але мы ўсведамляем, што мы – сведкі Хрыстовы, і гэта можа пацягнуць за сабой тое, што мы станем пакутнікамі», – звяртаецца герарх да вернікаў Халдэйскай каталіцкай царквы, паведамляе asianews.it.

Прадстаяцель халдэеў-каталікоў пераконвае сваіх адзінаверцаў не пакідаць радзіму: «Нельга пакідаць нашую радзіму без хрысціянскай прысутнасці. Ірак – гэта наша ідэнтычнасць. У нас ёсць пакліканне, мы павінныя з’явіцца сведкамі радасці Евангелля».

Таксама Луіс Рафаэль I Сако заклікае быць больш уважлівымі да адзінаверцаў, вымушаных бегчы са сваіх родных мясцінаў, ахопленых вайной, дапамагчы ім матэрыяльна і малітоўна, даць «знак надзеі».

Са словамі падзякі прадстаяцель халдэеў-каталікоў звяртаецца да мусульманаў, якія разам з хрысціянамі супрацьстаяць татальнаму злу: «Выдатна, калі мы можам выказаць сяброўства, салідарнасць і падтрымку нашым мусульманскім братам і сёстрам. Няхай нашыя агульныя пакуты стануць сілай, перад якой спыніцца нават шторм!».

Кульмінацыяй Юбілейнага года для Халдэйскай Каталіцкай царквы будзе паломніцтва ў Ур Халдэйскі – месца, з якога ў Святую Зямлю прыйшоў праайцец Аўраам.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.12.2015 У свеце| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты