У Віцебску пачынаюцца «Дні хрысціянскай культуры»

MINOLTA DIGITAL CAMERAУ Віцебску 5 снежня пачынаецца XVI каталіцкі фестываль «Дні хрысціянскай культуры», які працягнецца да 6 студзеня.

Цягам фестываля ў касцёлах горада пройдуць выстава працаў дзіцячай творчасці «Божы свет вачыма дзяцей», выстава працаў народнага клуба фларыстыкі «Анюта» «Свет навокал нас», канцэрты парафіяльных хораў. Падрабязная праграма маецца тут.

У Віцебскім абласным мастацкім музеі будзе экспанавацца выстава дзіцячай творчасці «Таямнічае Раство», у Віцебскім дзяржаўным універсітэце імя Пятра Машэрава 19 снежня пройдзе навукова-практычная канферэнцыя «Тэматыка Раства ў сусветнай мастацкай культуры». У катэдральным касцёле Ісуса Міласэрнага 26 снежня пройдзе абмеркаванне хрысціянскіх матываў рамана Міхаіла Булгакава «Майстар і Маргарыта».

29 і 30 снежня каталікі разам са Святым Мікалаем наведаюць са святочнай праграмай пацыентаў Віцебскай дзіцячай абласной клінічнай бальніцы. 5 студзеня ў Палацы творчасці дзяцей і моладзі Чыгуначнага раёна Віцебска пройдзе конкурс нацыянальнай батлейкі. Завершыцца фестываль святочным канцэртам у катэдральным касцёле Ісуса Міласэрнага.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
04.12.2015 Абвесткі, Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты