Цуд, які прывёў «Обі-Вана Кенобі» да Бога

Сэр Алек Гінэс – адзін з самых вядомых кінаакцёраў 20-га стагоддзя, які, акрамя іншых вядомых роляў, сыграў Обі-Вана Кенобі ў фільме «Зорныя войны». Аднак мала хто ведае, што ва ўзросце 42 гадоў ён прыняў каталіцызм, збольшага дзякуючы цуду.

Гінэс нарадзіўся ў 1914 годзе, выхоўваўся маці-адзіночкай, якая з цяжкасцю зарабляла на жыццё. Прайшоўшы канфірмацыю ў англіканства ва ўзросце 16 гадоў, малады чалавек працягваў духоўны пошук, на працягу двух гадоў захапляючыся вучэннямі прэсвітэрыянства, атэізму, марксізму, будызму і нават наведваў некалькі квакерскіх сходаў. Пазней ён зноў вярнуўся ў англіканства, аднак ў 1954 годзе з ім адбылася падзея, якое прымусіла яго задумацца аб прыняцці каталіцтва.

Падчас здымак фільма па матывах твораў Г. Чэстэртана пра ксяндза Браўна ў Францыі Гінэс, выконваючы галоўную ролю, быў апрануты ў убранне каталіцкага святара. Адзін з дзяцей на вуліцы ўбачыў акцёра і, прыняўшы яго за сапраўднага святара, падбег да яго і пайшоў з ім па вуліцы, узяўшы за руку. Давер і павага, якія дзіця меў да каталіцкіх святароў, вельмі кранулі акцёра і прымусілі яго перагледзець свае погляды і адмовіцца ад шматлікіх забабонаў.

Неўзабаве яго сын Мэцью захварэў на поліяміэліт і знаходзіўся на мяжы смерці. Будучы ў адчаі і шукаючы чароўнай дапамогі, Гінэс пачаў маліцца ў мясцовым касцёле і заключыў «угоду» з Богам: калі Бог ацаліць Мэцью, акцёр дазволіць сыну прыняць каталіцтва, калі той гэтага захоча.

Насуперак усім прагнозам, яго сын ачуняў, таму Мэцью аддалі ў езуіцкую школу. Праз некалькі гадоў уся сям’я Гінэса прыняла каталіцтва. Да самай сваёй смерці ў 2000 годзе акцёр заставаўся каталіком.

Па матэрыялах CNA.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
07.12.2015 Цікава ведаць| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты