Прэзідэнт Венесуэлы прызнаў перамогу апазіцыі на парламенцкіх выбарах

мадуро

Прэзідэнт Венесуэлы Нікалас Мадура прызнаў вынікі  выбараў у парламент краіны, якія прайшлі ў нядзелю i на якіх перамагла апазіцыя, прадстаўленая Блокам дэмакратычнага адзінства. Пра гэта ён заявіў у тэлезвароце да нацыі.

“З нашага мараллю і нашай этыкай мы прызнаем гэтыя неспрыяльныя вынікі, прымаем іх, і гаворым, што ў Венесуэле перамагла канстытуцыя і дэмакратыя”, – сказаў Мадура.

Па результатпам галасавання, БДА атрымлівае 99 месцаў у парламенце, а адзіная сацыялістычная партыя Венесуэлы – 46.

У спісы выбаршчыкаў былі ўнесены каля 19,4 млн грамадзян, яўка склала 74,25%.

Мадура заклікаў апазіцыю правільна распарадзіцца перамогай. Ён дадаў, што кіраўніцтва Венесуэлы “ў любых абставінах умела прызнаваць вынікі”.

Прэзідэнт заклікаў “рэвалюцыйныя сілы” згуртавацца, каб “здолець супрацьстаяць абставінам, у якіх прыйдзецца жыць у бліжэйшыя месяцы, каб процідзейнічаць контррэвалюцыйнаму плану”.

Апазіцыя ўпершыню за апошнія 15 гадоў атрымала большасць месцаў у вышэйшым заканадаўчым органе краіны. Новы склад парламента пачне працу ў студзені 2016 года.
Па матэрыялах ТАСС

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
07.12.2015 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты