Кандрусевіч: адгартацыя Папы Францішка ў справах сям’і можа выйсці неўзабаве

Кандрусевіч1

Сёння сям’я знаходзіцца ў вялікім крызісе. Пра гэта на прэс-канферэнцыі 8 снежня ў Мінску з нагоду пачатку Году Міласэрнасці ў Каталіцкім Касцёле заявіў мітрапаліт Мінска-Магілёўскі, арцыбіскуп Тадэвуш Кандрусевіч.

“Сям’я сёння хворая. Яе трэба лекаваць. Сям’я – гэта падмурак кожнага грамадства, а без падмурку грамадства разваліцца”, – адзначыў ён, паведамляе карэспандэнт Krynica.info.

Дзеля вырашэння справаў сям’і, нагадаў мітрапаліт, у Ватыкане сёлета збіраўся Сінод біскупаў. Аднак, адзначыў арцыбіскуп, Сінод не прымае рашэнняў, а з’яўляецца кансультатыўным органам. Канчатковае рашэнне застаецца за Папам Францішкам.

“Па апошніх звестках яго адгартацыя на гэты конт з’явіцца вельмі хутка. Якія з прапановаў біскупаў былі пачутыя, убачым у дакуменце Папы”, – дадаў Тадэвуш Кандрусевіч.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі