У Мінску пачала дзейнасць новая парафія

пачатакУ мінскім мікрараёне “Дружба” 8 снежня адбылася першая малітоўная сустрэча вернікаў парафіі святога Яна Паўла ІІ, зарэгістраванай у кастрычніку.

Пробашч новай парафіі кс. Ігар Лашук узначаліў богаслужбу, пасля якой адбыўся першы арганізацыйны сход, паведамляе catholic.by.

Новая мінская парафія – трэцяя ў Беларусі, якая носіць імя святога Яна Паўла ІІ, аднайменныя парафіі ёсць у Баранавічах і Смаргоні.

На першы парафіяльны сход, які адбыўся ў будынку Тэрытарыяльнага цэнтра сацыяльнага абслугоўвання насельніцтва па вул. Напалеона Орды, прыйшлі каля 40 парафіянаў.

У новым мікрараёне ў Гродне адбудзецца асвячэнне новай капліцы

У Гродне ў новым мікрараёне Альшанка 20 снежня біскуп Гродзенскі Аляксандр Кашкевіч асвеціць новую капліцу, якая належыць створанай тры гады таму парафіі Святога Духа. У траўні біскуп Аляксандр Кашкевіч асвяціў крыж і зямлю пад будаўніцтва новага касцёла, у жніўні пачалося будаўніцтва капліцы.

Пробашчам новай парафіі з’яўляецца кс. Павел Салабуда.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі