Палестынец здзейсніў наезд на чатырох ізраільцянаў «пад уздзеяннем прапаганды»

ИзраильСупрацоўнікі сілаў бяспекі Ізраіля 11 снежня арыштавалі арабскага тэрарыста, які здзейсніў напярэдадні ў раёне Бейт-Ар’е мэтанакіраваны наезд на чатырох ізраільцянаў-вайскоўцаў.

Злачынца — Мухамад Абд аль-Халім Салам з вёскі Любан Рарбія — раней быў звязаны з палестынскай тэрарыстычнай групоўкай «Хамас», у 2001 годзе змяшчаўся пад адміністрацыйны арышт, паведамляе newsru.co.il.

Абд аль-Халім Салам заявіў, што здзейсніў тэракт пад уздзеяннем прапаганды і падбухторвання, разгорнутых палестынскімі СМІ. Салам заявіў, што хацеў адпомсціць «за сітуацыю на Храмавай гары і за забойства палестынскіх дзяцей».

У сектары Газы адбыліся сутыкненні каля сцяны бяспекі

У гэты ж дзень падчас беспарадкаў на мяжы сектара Газы на ўсход ад лагера ўцекачоў Аль-Бурэйдж ізраільскімі салдатамі быў забіты мясцовы жыхар, яшчэ дзесяць атрымалі раненні.

Палестынцы зладзілі беспарадкі ў забароненай зоне ў раёне плыта бяспекі, пабудаванага ўздоўж мяжы сектара Газы. Ваенныя ўжылі зброю, каб прымусіць іх пакінуць забароненую зону.

Таксама беспарадкі адбыліся ў ізраільскім Хэўроне, падчас сутыкненняў у раёне скрыжавання Хальхуль палестынец паспрабаваў наехаць на аўтамабілі на вайскоўцаў і быў застрэлены.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
12.12.2015 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты