У Парыжы краіны свету дамовіліся аб недапушчэнні пацяплення больш чым на 2 градусы

белая кветка в красном полеУ Парыжы ўдзельнікі кліматычнай канферэнцыі 12 снежня прынялі канчатковы варыянт пагаднення аб скарачэнні выкідаў парніковых газаў.

Дзяржсакратар ЗША Джон Кэры назваў пагадненне, па якім усе бакі-падпісанты – 190 дзяржаваў – абавязваюцца скараціць выкіды вуглекіслаты ў атмасферу, «перамогай для планеты і будучых пакаленняў», паведамляе ВВС.

Аўстралійскі міністр замежных справаў Джулі Бішоп падкрэсліла, што цяпер самым складаным з’яўляецца на практыцы ўкараніць меры, пра якія дамовіліся краіны.

Дакумент прадугледжвае вылучэнне да 2020 года на карысць краін «трэцяга свету» 100 мільярдаў даляраў для барацьбы з шкоднымі выкідамі ў атмасферу. Удзельнікі пагаднення абавязаліся не даць атмасферы пацяплець больш чым на 2 градусы Цэльсія да 2100 года.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі