«Каворкінг» Слуцкай епархіі перамог у конкурсе сацыяльных праектаў

проектРаспрацаваны святарамі і валанцёрамі праваслаўнай Слуцкай епархіі праект «Моладзевы адукацыйны праваслаўны каворкінг-цэнтр «Сафія» заняў трэцяе месца ў конкурсе-выставе сацыяльных праектаў «SOCIDEA’15».

Выстава прайшла ў межах Моладзевага інавацыйнага тыдня INMAX’15 і аб’яднала на сваіх пляцоўках лепшыя навуковыя і сацыяльныя праекты, паведамляе church.by.

Узнагароджанне пераможцаў конкурса адбудзецца 18 снежня ў 12:00 падчас цырымоніі закрыцця Моладзевага інавацыйнага тыдня ў мінскім Бізнес-інкубатары Парка высокіх тэхналогіяў.

Праектам случчанаў прадугледжваецца стварэнне каворкінга з ПВХ-тэнтаў агульнай плошчай 100 квадратных метраў, у якім у цёплы час года для моладзі Слуцка пройдуць 45 адукацыйных мерапрыемстваў – духоўных сустрэчаў, трэнінгаў, семінараў, творчых вечарынаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі