Гуляка павіншаваў епіскапа Антонія з 35-годдзем

antoniЕпіскап Слуцкі і Салігорскі Антоній 18 снежня узначаліў Боскую літургію ў слуцкім праваслаўным Міхайлаўскім кафедральным саборы з нагоды свайго 35-годдзя.

Епіскапу саслужылі святары сабора, благачынныя шэрагу акругаў епархіі, а таксама госць з Мінска – благачынны 3-й Мінскай акругі, настаяцель храма Аляксандра Неўскага пратаіерэй Мікалай Коржыч, паведамляе sluck-eparchiya.by.

Па заканчэнні богаслужбы пратаіерэй Мікалай Коржыч агучыў віншавальныя адрасы, накіраваныя уладыку Антонію Ганаровым Патрыяршым Экзархам усяе Беларусі мітрапалітам Філарэтам і Патрыяршым Экзархам усяе Беларусі мітрапалітам Мінскім і Заслаўскім Паўлам, а таксама ўручыў падарунак ад імя вернікаў свайго храма.

Таксама быў агучаны віншавальны адрас ад Упаўнаважанага па справах рэлігіяў і нацыянальнасцяў Беларусі Леаніда Гулякі.

Ад імя духавенства кафедральнага сабора пратаіерэй Ігар Штэпа ўручыў уладыку Антонію мітру.

На памяць тым, хто прыйшоў на богаслужбу, епіскап Антоній дарыў царкоўныя календары на наступны год.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
18.12.2015 Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты