Па аналогіі з «прагуглі» пастар з Барысава запусціў анлайн-праект “Прабіблі”

пробибилиМоладзевы пастар барысаўскай поўнаевангельскай царквы «Святло міру» Юры Астраленка распрацаваў і запусціў інтэрнэт-праект, які зможа зрабіць вывучэнне Бібліі заняткам, займальным для падлеткаў і моладзі.

Праект «Прабіблі» названы так па аналогіі з «прагуглі». Сутнасць праекта заключаецца ў адгадванні загадак, адказ на якія можна знайсці ў Бібліі. За правільны адказ на простую загадку даецца адна «мудрасць», на складаную – дзве. А калі чалавек на працягу трох дзён не адгадвае ніводнай загадкі, налiчваецца адзін «грэх» – адмінусоўваецца адна «мудрасць», а адна раней адгаданая загадка пераходзіць у разрад неразгаданай.

Аўтар праекта Юрый Астраленка прыдумаў праект пасля таго, як адна з выхаванак падлеткавай групы, якой ён даў хатняе заданне – палічыць ў Бібліі, колькі гадоў было Іакаву, калі нарадзіўся Іосіф, – пасля патэлефанавала і распавяла, што правяла за разгадваннем загадкі 4 гадзіны з Бібліяй, бо вельмі захапілася пошукам адказу.

Сёння сайт «Прабіблі» аб’ядноўвае ўжо 338 даследчыкаў Бібліі, і не толькі з Беларусі, якія адгадалі ў агульнай складанасці больш за шэсць з паловай тысячаў біблейскіх загадак.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі